Samsung သည် နယူးယောက်တွင် ကျင်းပပြုလုပ်ခဲ့သော ပွဲတစ်ခု၌ Galaxy Note 5 နှင့် Galaxy S6 Edge+ တို့ကို ပွဲထုတ်မိတ်ဆက်ပေးခဲ့သည်။
အဆိုပါ phablet သစ်များကို အမေရိကန်နှင့် ကနေဒါတွင် သြဂုတ်လ ၂၁ ရက်၌ စတင်ရောင်းချမည် ဖြစ်သည်။ လက်ရှိတွင် အမေရိကန်၌ ကြိုတင်အမှာစာများ လက်ခံနေပြီး တန်ဖိုးမှာ Note 5 အတွက် စာချုပ်နှင့် ဒေါ်လာ ၂၀၀ ကျသင့်မည်ဖြစ်သည်။ S6 Edge+ ၏ စာချုပ်နှင့် တန်ဖိုးမှာ ဒေါ်လာ ၃၀၀ ဖြစ်သည်။
၎င်းဖုန်းနှစ်မျိုးစလုံးတွင် ၅.၇ လက်မ screen များကို အသုံးပြုထားပြီး Edge ၏ display တွင်မူ ဘေးတစ်ဘက်တစ်ချက်စီ၌ ကွေးညွှတ်ထားသည်။ ၎င်းတို့ကို သတ္တုဖန်ထည်ဒီဇိုင်းဖြင့် ဖန်တီးထားသည်။
အထက်ပါ phablet သစ် နှစ်မျိုးတွင် Android 5.1 Lollipop, 16MP rear-facing ကင်မရာနှင့် 5MP front-facing ကင်မရာတို့ကို အသုံးပြုထားသည်။ ထို့အပြင် Galaxy S6 နှင့် Galaxy S6 Edge တွင် ပါဝင်သော ချစ်ပ်များအတိုင်း အဆင့်မြင့် နည်းပညာဖြင့် တည်ဆောက်ထားသော Samsung ၏ Exynos 7420 eight-core ပရိုဆက်ဆာများကိုလည်း အသုံးပြုထားသည်။ လျင်မြန်သော အားသွင်းစနစ်နှင့် လျင်မြန်သော ကြိုးမဲ့အားသွင်းစနစ် လုပ်ဆောင်ချက်များ ပါဝင်ပြီး Samsung Pay ဖြင့် ငွေပေးချေနိုင်ရန်အတွက် NFC ချစ်ပ်များကိုလည်း ထည့်သွင်းပေးထားသည်။
S6 Edge+ သည် Note 5 ထက် အရွယ်အနည်းငယ် သေးငယ်ပြီး အလေးချိန်မှာ ၁၅၃ ဂရမ်ဖြစ်သည်။ Note 5 ၏ အလေးချိန်က ၁၇၁ ဂရမ် ဖြစ်သည်။ Edge+ အနက်ရောင်၊ ရွှေရောင်၊ ငွေရောင်တို့ဖြင့် ရရှိမည် ဖြစ်သည်။ Note 5 အတွက် အနက်ရောင်၊ အဖြူရောင်ဖြင့် ရွေးချယ်နိုင်သည်။ Note တွင် stylus တစ်ခု ပါဝင်သော်လည်း Edge+ တွင်မူ ပါဝင်ခြင်း မရှိပေ။
Galaxy Note 5 ကို 32GB နှင့် 64GB ဖြင့် ရရှိနိုင်ပြီး စာချုပ်မပါ တန်ဖိုးမှာ 32GB အတွက် ၈၄၀ ဒေါ်လာ၊ 64GB အတွက် ၉၁၅ ဒေါ်လာ အသီးသီးကျသင့်မည်ဖြစ်သည်။
Edge+ ကိုလည်း 32GB, 64GB ဖြင့် ရရှိနိုင်ပြီး စာချုပ်မပါ တန်ဖိုးမှာ 32GB အတွက် ၈၁၅ ဒေါ်လာ ဖြစ်ကာ 64GB အတွက် ၉၁၅ ဒေါ်လာဖြစ်သည်။
Ref: CNET
Credit=>internetjournal
Thiha Htike(THT)
My Facebook Account Click
ไม่มีความคิดเห็น:
แสดงความคิดเห็น